ᲡᲐᲘᲜᲟᲘᲜᲠᲝ ᲡᲘᲡᲢᲔᲛᲔᲑᲘᲡ ᲢᲔᲥᲜᲘᲙᲣᲠᲘ ᲛᲝᲛᲡᲐᲮᲣᲠᲔᲑᲐ
ჩვენი კომპლექსური პრევენციული მომსახურება უზრუნველყოფს შენობის საინჟინრო, ენერგო და უსაფრთხოების სისტემების უწყვეტ, სტაბილურ მუშაობას.
შენობის საინჟინრო ინფრასტრუქტურის გამართული, უწყვეტი და უსაფრთხო ფუნქციონირება პირდაპირ განსაზღვრავს ობიექტის ღირებულებასა და მისი ექსპლუატაციის ეფექტურობას.
ჩვენი ტექნიკური მომსახურება (Maintenance) სცდება სტანდარტული შეკეთების ფარგლებს - ეს არის კომპლექსური პრევენციული მიდგომა, რომელიც მიზნად ისახავს შენობის მართვის, უსაფრთხოების, განათებისა და ენერგომომარაგების სისტემების პირველანდელი ეფექტურობისა და სიცოცხლისუნარიანობის შენარჩუნებას.
ᲛᲘᲛᲐᲠᲗᲣᲚᲔᲑᲔᲑᲘ
- სახანძრო განგაშის სისტემა (FAS): დეტექტორების, მართვის პანელებისა და წრედების რეგულარული მონიტორინგი, სისტემური ხარვეზების დროული იდენტიფიცირება და მდგომარეობის შესახებ პერიოდული რეპორტინგის მომზადება. საევაკუაციო გახმოვანების სისტემა (PA): ცენტრალური აუდიო აპარატურისა და მოწყობილობების გამართულობის კონტროლი, სისტემის მზადყოფნის პერიოდული შემოწმება და შემოწმების ანგარიშების მომზადება.
- შენობის მართვის სისტემა (BMS): ცენტრალიზებული კონტროლერების, სენსორებისა და პროგრამული უზრუნველყოფის მუშაობის ანალიზი, ენერგოეფექტურობის მონიტორინგი და დეტალური ტექნიკური რეპორტინგი. განათების მართვის სისტემა (LC): DALI/KNX პროტოკოლების, ავტომატური სცენარებისა და მართვის კომპონენტების სტაბილურობის შენარჩუნება და პერიოდული შემოწმება. ოთახების მართვის სისტემა (GRMS): სასტუმრო და ბიზნეს-სივრცეებში კლიმატ-კონტროლისა და განათების კომპონენტების უწყვეტი მონიტორინგი და ტექნიკური ასახვა რეპორტებში.
- ელექტრომომარაგების ძალოვანი და გამანაწილებელი ქსელები: მთავარი გამანაწილებელი ფარების (MDB), ამომრთველებისა და კაბელების მდგომარეობის დიაგნოსტიკა, ინსპექტირების რეპორტინგი და ინფრასტრუქტურის ცვეთისგან დაცვა. მზის ელექტროსადგურები და პანელების სისტემა: ინვერტორების, ელექტრული შეერთებებისა და გენერაციის მაჩვენებლების უწყვეტი მონიტორინგი და წარმადობის ანალიტიკური რეპორტინგი. მზის პანელების ზედაპირის სპეციალიზებული წმენდა ეფექტურობის შესანარჩუნებლად და მტვრით გამოწვეული დანაკარგების თავიდან ასაცილებლად.
ᲒᲭᲘᲠᲓᲔᲑᲐᲗ ᲙᲝᲜᲡᲣᲚᲢᲐᲪᲘᲐ ᲗᲥᲕᲔᲜᲡ ᲞᲠᲝᲔᲥᲢᲖᲔ?
მოგვწერეთ და ინსტას საინჟინრო გუნდი შესაბამის გადაწყვეტას შემოგთავაზებთ.