ᲔᲚᲔᲥᲢᲠᲝ ᲡᲐᲛᲝᲜᲢᲐᲟᲝ ᲡᲔᲠᲕᲘᲡᲔᲑᲘ

კომპანიის გამოცდილი საინჟინრო გუნდი უზრუნველყოფს დამკვეთის მოთხოვნებზე მორგებული, ეფექტური გადაწყვეტილებების შემუშავებას და პროექტების განსაზღვრულ ვადებში შესრულებას. სამუშაო პროცესის განმავლობაში პროექტის მენეჯერი უზრუნველყოფს რეგულარულ ანგარიშგებას, პროცესების კოორდინაციას და მომხმარებელთან უწყვეტ კომუნიკაციას.

კომპანიას, შესრულებული პროექტების სპეციფიკიდან გამომდინარე, გააჩნია საერთაშორისო ხელშეკრულებების (RIBA) ფარგლებში მუშაობის გამოცდილება და შესაბამისი მოთხოვნების მართვის პრაქტიკა.

კომერციული, სამრეწველო და საყოფაცხოვრებო ტიპის პროექტების ელექტროსამონტაჟო სამუშაოები განსხვავდება სპეციფიკური მოთხოვნებითა და ტექნიკური სირთულით. სხვადასხვა მასშტაბისა და ამოცანის პროექტებზე მუშაობა ინსტას საინჟინრო გუნდს აძლევს გამოცდილებას, ეფექტურად მართოს კომპლექსური პროცესები და შეიმუშაოს ოპტიმალური გადაწყვეტილებები. 

საქართველოს მასშტაბით, „ინსტა" ფლობს თანამედროვე ტექნოლოგიებით აღჭურვილ ერთ-ერთ ყველაზე დიდ ლოგისტიკურ ცენტრს, სადაც მუდმივად ხელმისაწვდომია 20 000-ზე მეტი დასახელების ელექტროსამონტაჟო მასალა.

არსებული მარაგები უზრუნველყოფს პროექტების შეუფერხებელ და დროულ განხორციელებას, რაც კომპანიას აძლევს შესაძლებლობას სწრაფად უპასუხოს მომხმარებლის მოთხოვნებს და ეფექტურად მართოს როგორც მიმდინარე, ისე ახალი პროექტები.